Гренланд го одби Трамп: „Не сме на продажба“  | Свет | DW | 17.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Гренланд го одби Трамп: „Не сме на продажба“ 

Владата на Гренланд соопшти дека нејзината територија не е на продажба, по извештаите дека претседателот на САД Доналд Трамп бара начин да го купи огромниот, заледен остров.

Владата на Гренланд во петокот ја отфрли идејата островот да биде купен од САД. Изјавата следува по извештаите дека американскиот претседател Доналд Трамп бил заинтересиран да ја купи територијата од Данска. 
Во кус коментар на интернет-страницата, владата на Гренланд вели: 
- Имаме добра соработка со САД, и во ова гледаме зголемен интерес за инвестирање во нашата земја, 
- Секако, Гренланд не е на продажба,
- Поради неофицијалниот карактер на веста, владата на Гренланд нема натаму да коментира.

Весникот Вол Стрит Џурнал претходно извести дека Трамп побарал од своите соработници да ја разгледаат можноста за купување на Гренланд. Американскиот претседател се очекува во посета на Копенхаген во септември. Извор близок до претседатело потврди дека Трамп споменал такво барање, но не бил сериозен. 
Министерството за надворешни работи на Гренланд соопшти дека островот е заинтересиран за соработка, но не е на продажба. 

Реклама