Голем скок на Зелените на европските избори во Германија | Свет | DW | 26.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Голем скок на Зелените на европските избори во Германија

Историски лоши резултати за владеaчките партии во Германија на европските избори и огромен скок за Зелените.

Партиите кои ја сочинуваат големата коалиција во Берлин постигнаа историски лош резултат на европските избори. Првичните прогнози велат дека и Унијата и СПД бележат голем пад во споредба со европските избори во 2014 година.

Христијанско-демократската (ЦДУ) и Христијанско-социјалната унија (ЦСУ) освоиле 28 проценти од гласовите, или 7,4% помалку отколку на европските избори во 2014 година.

Социјалдемократската партија (СПД) има најголем минус во споредба со претходните европски избори и тоа од цели 11,8% - според првичните прогнози таа на овие избори освоила 15,5%.

SPERRFRIST 18.00!!! PROGNOSE 18.00 EU Wahl 2019 - Deutschland MAZ

Зелените, пак, овојпат имаат огромен плус од 11,3% гласови и сега ја имаат довербата на 22 проценти избирачи.

Деснопопулистичката Алтернатива за Германија (АфД) исто така има повеќе гласови отколку на претходните избори. Таа сега освоила 10,5 проценти, односно 3,4% повеќе во споредба со 2014.

Гледај видео 01:16

Факти за Европскиот парламент

Либералите (ФДП) и Левицата според прогнозите имаат освоено еднаков процент гласови - по 5,5 проценти, но во споредба со претходните европски избори либералите имаат 2,1% гласови повеќе, а Левицата 1,9% гласови помалку. 

Останатите партии заедно 13 проценти од гласовите.

Според она што беше соопштено попладнево, одзивот на овие избори е повисок отколку на претходните. 

DW.COM

Аудио и видео прилози на оваа тема

Поврзана содржина

Реклама