1. Прескокни до содржината
  2. Прескокни до главната навигација
  3. Кон други страници на DW
Deutschland Frankreich PK Ministerrat | Merkel und Macron
Фотографија: Michael Sohn/AP Photo/picture alliance

Германија и Франција „цврсто посветени“ на Западниот Балкан

БГ
31 мај 2021

Германската канцеларка Меркел денеска беше домаќин на последната заедничка владина седница со Франција. Еден од заклучоците на мини-самитот упатува на заедничка поддршка за Западниот Балкан.

https://www.dw.com/mk/%D0%B3%D0%B5%D1%80%D0%BC%D0%B0%D0%BD%D0%B8%D1%98%D0%B0-%D0%B8-%D1%84%D1%80%D0%B0%D0%BD%D1%86%D0%B8%D1%98%D0%B0-%D1%86%D0%B2%D1%80%D1%81%D1%82%D0%BE-%D0%BF%D0%BE%D1%81%D0%B2%D0%B5%D1%82%D0%B5%D0%BD%D0%B8-%D0%BD%D0%B0-%D0%B5%D0%B2%D1%80%D0%BE%D0%BF%D1%81%D0%BA%D0%B0%D1%82%D0%B0-%D0%BF%D0%B5%D1%80%D1%81%D0%BF%D0%B5%D0%BA%D1%82%D0%B8%D0%B2%D0%B0-%D0%BD%D0%B0-%D0%B7%D0%B0%D0%BF%D0%B0%D0%B4%D0%BD%D0%B8%D0%BE%D1%82-%D0%B1%D0%B0%D0%BB%D0%BA%D0%B0%D0%BD/a-57733798

Германско-францускиот самит донесе уште една потврда за европската перспектива на земјите од Западниот Балкан. Германската канцеларка Ангела Меркел и францускиот претседател Емануел Макрон заедно со своите влади денеска го оддржаа 22 самит, воедно и последен за Меркел. Целодневните дискусии се фокусираа на бројни теми: од пандемијата на коронавирусот, преку иднината на Европа, до меѓународни кризи како Белорусија и Израел.

Од состанокот произлезе заеднички документ од 62 точки во кој иднината на земјите од Западниот Балкан е последната. Во него, двете земји ја реафирмираат стратешката важност на регионот и даваат поддршка на дијалогот меѓу Србија и Косово.

„Ја реафирмираме стратешката важност на земјите од Западниот Балкан и остануваме цврсто посветени на нивната европска перспектива, истовремено повикувајќи на продолжување на суштинските реформи во согласност со новата методологија“, се наведува во заедничката изјава по самитот.
„Како што е формулирано на заедничките средби на високо ниво во 2019 и 2020 година, ја потврдуваме целосната поддршка за дијалогот меѓу Косово и Србија со посредство на ЕУ.“

Првиот франко-германски министерски совет се одржа во Париз на 22 јануари, 2003. Тоа беше замена за годишните самити на германските и француските шефови на држави и влади согласно Елисејскиот договор од 1963 година. Советот, чија цел е продлабочување на работните врски меѓу соседните држави преку одржување на заеднички владини седници, се состанува двапати годишно, напролет и наесен.

Денешниот состанок беше последен на кој присуствува Меркел, која најави дека ќе се повлече од политиката во септември. Прашана да ги сумира резултатите од самитите одржани во нејзиниот мандат и да даде оценка за постигнатото, Меркел со насмевка се воздржа од директен одговор: „Ќе даваме оценки кога работата ќе заврши“, рече таа.

#dw_BalkanBooster: Германија како претседавач со ЕУ треба да му помогне на Балканот

Прескокни го блокот Тема на денот

Тема на денот

Зградата на владата на Република Северна Македонија

Инаетот како главен енергенс

Mazedonien DW-Korrespondentin aus Skopje, Katerina Blazevska
Катерина Блажевска
Прескокни го блокот Повеќе теми
Врати се на почетната страница