ВМРО-ДПМНЕ ќе го блокира Собранието, но не и расправата за ребаланс на буџетот | Северна Македонија | DW | 09.05.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

ВМРО-ДПМНЕ ќе го блокира Собранието, но не и расправата за ребаланс на буџетот

Најголемата опозициска партија ќе блокира „се што е штетно“ во Собранието, но ќе учествува на претстојната расправа за ребалансот на Буџетот

ВМРО-ДПМНЕ и коалициските партии донесоа одлука за започнување наблокадата на Собранието. Блокадата започнува од утре и ќе трае се до распишување предвремени парламентарни избори. Идејата, според координаторот на пратеничката група на ВМРО-ДПМНЕ, Никола Мицевски е да се „попречат штетните закони и политики“. Најголемата опозициска партија најави дека и покрај блокадата ќе учествува на претстојната расправа за ребалансот на буџетот. 

Од опозицијата најавуваат дека „се што е штетно ќе биде блокирано“. „Ќе има активна блокада за спас од ценовните шокови, блокада на криминалната банда и лицемерието на власта, блокада за спас од сиромаштијата. Ќе почнеме од Собранието зашто таму се носат штетни закони. Се што е штетно ќе биде блокирано, но има и процеси кои на дневна основа треба да течат. Следува ребаланс на буџетот на кој активно ќе учествуваме и ќе ги кажеме сите забелешки и ставки преку кои мислат да го испразнат буџетот“, вели координаторот на пратеничката група.

Одлуката за блокада била донесена едногласно. На координативната средба присуствуваше и лидерот на партијата Христијан Мицкоски. Одлуката за активна блокада на Собранието претходно ја донесе Извршниот комитет на ВМРО-ДПМНЕ, откако премиерот Ковачевски не ја прифати поканата на лидерот на ВМРО-ДПМНЕ за средба на која ќе стане збор за предвремени избори. 

„Ковачевски и Владата одбија дијалог во четири клучни области за граѓаните – економија, здравство, образование и меѓународна политика со акцент на блокадите од Бугарија“, порача Мицевски. Тој вели дека опозицискиот блок е подготвен да оди до крај „за да ја осигура иднината на граѓаните“. 

Неодговорна и штетна одлука

По одлуката на опозицијата за блокада на Собранието, од СДСМ реагираат дека станува збор за неодговорна, штетна и антидржавна одлука.

„Мицкоски, по нарачка на Никола Груевски, прави се државата да има дополнителни проблеми во време на најголема светска економска и енергетска криза, среќен единствено кога создава блокади. Сето ова Мицкоски и ВМРО-ДПМНЕ го прават во обид да ја покријат неспособноста на нивните градоначалници, но и криминалот во нивните редови потврден со признанија и ефективни судски пресуди“, реагира владејачката партија. Според СДСМ, Собранието не е пазар, туку законодавен дом во којшто се носат закони од интерес на граѓаните. „Не може Мицкоски и ВМРО-ДПМНЕ да се пазарат кој закон ќе го блокираат а кој не. Сите закони блокирани од опозицијата се закони од интерес на државата и за добро на граѓаните и тоа е факт. Одговорни политичари не прават блокади, не уценуваат, не одмагаат, не се ситат кога на народот му е тешко. Туку спротивно на тоа, помагаат, работат, предлагаат, бараат решенија, нудат предлози“, се вели во реакцијата.

 

Поврзана содржина