Брисел се сеќава на жртвите на теророт од 2016-та | Свет | DW | 22.03.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Брисел се сеќава на жртвите на теророт од 2016-та

На 22 март 2016-та се случи она од што Белгија стравуваше по нападите во соседна Франција: џихадисти убија 32 лица во Брисел, а стотици беа повредени. Болката останува.

Белгија денеска се сеќава на жртвите од терористичките напади кои се случија пред една година во Брисел. На аеродромот Завентем семејствата на загинатите, вработени во аеродромот, претставници на владата, како и кралот Филип и кралицата Матилда во 07:58 часот им оддадоа почит на жртвите со едноминутно молчење.

На метро-станицата Малбек изутринава исто така се одржа минута молчење во знак на сеќавање на загинатите. За попладнево е најавена поворка од бриселскиот кварт Моленбек до центарот на градот, а вечерва треба да има бдеење во катедралата Свети Михаил и Гудула.

На 22 март 2016 година, во бомбашки напади на бриселскиот аеродром Завентем и метро-станицата Малбек беа убиени 32 лица, а повеќе од 300 беа повредени. Одговорност за атентатите презеде џихадистичката милиција „Исламска држава“.

Гледај видео 01:28

Брисел сѐ уште памети

Аудио и видео прилози на оваа тема

Реклама