Безбедносните сили на Белгија вчеравечер на железничката станица во белгискиот главен град застрелаа осомничено лице, кое претходно активирало мала експлозивна направа. Обвинителството соопшти дека според првичните сознанија убиеното лице е терорист. Други жртви нема.
Осомничениот, како што тврди еден сведок, мрморел „Алах-у-Акбар“ (Господ е голем). Агенцијата Белга јави дека откако бил застрелан, убиениот долго лежел на железничката станица, поради тоа што експерти за експлозив требало прво да проверат дали можеби носи бомба на телото.
Железничката станица беше затворена по малата експлозија, а испразнети беа и околните згради. Железничкиот сособраќај, кој на некои места во Брисел беше привремено прекинат, повторно се одвива без прекини, освен на главната железничка станица, каде што се случи инцидентот.
Белгискиот премиер Шарл Мишел за денеска свика седница на Националниот совет за безбедност. Сепак, степенот на предупредување од тероризам засега не е подигнат на највисоко ниво. Тоа би се сторило доколку се има сознанија дека претстои терористички напад. Во моментов, како што се вели, нема сознанија за такво нешто.
Главниот град на Белгија беше цел на повеќе терористички напади. Во март 2016. година во бомбашки напади на аеродромот и во една станица на метрото исламистички атентатори убија 32 лица. Во мај 2014. година француски исламист уби четири лица во Еврејскиот музеј во Брисел. Оттогаш низ градот патролираат не само полицајци, туку и припадници на воената полиција, вооружени со автоматско оружје.
-
Хронологија: Исламистички терористички напади во Европа
15.11.2003: Напад врз синагоги
Во Истанбул загинаа 23 лица во напади на атентатори-самоубијци во двете најголеми синагоги. При речиси истовремените експлозии на повеќе автомобили-бомби тешко беа повредени околу 300 луѓе.
-
Хронологија: Исламистички терористички напади во Европа
20.11.2003: Терор во Истанбул
Во бомбашки напад врз британски конзулат и британска банка во Истанбул бера убиени 33 лица, а преку 400 беа повредени. Како сторители беа идентификувани 73 исламисти. Преживеаните 40 атентатори беа осудени на затворски казни.
-
Хронологија: Исламистички терористички напади во Европа
11.03.2004: Бомбашки атентат во возови
Во Мадрид експлодираа 10 бомби во преполни возови за локален превоз. Загинаа 191, а беа повредени повеќе од 1800 луѓе. Еден шпански суд осуди 21 од вкупно 28 атентатори од Ал Каеда на повеќе од 40 000 години затвор.
-
Хронологија: Исламистички терористички напади во Европа
02.11.2004: Убиство на режисер и сатиричар
Филмскиот режисер, публицист и сатиричар Тео ван Гог, по емитувањето на неговиот филм „Сабмишн“ за угнетувањето на жените во исламот доби смртни закани, а потоа и беше убине од еден исламист на сред улица во Амстердам.
-
Хронологија: Исламистички терористички напади во Европа
07.07.2005: Лондон во шок
Четворица атентатори во автобуси и во метрото во Лондон ги активираа речиси истовремено бомбите во нивните ранци. Во овој крвав напад животот го загубија 52, а стотици лица беа ранети. Злоделото остана неказнето - тројца соучесници беа ослободени.
-
Хронологија: Исламистички терористички напади во Европа
30.07.2007: Напад врз аеродром
По еден ден откако британската полиција спречи напад со автомобил-бомба во Лондон, џип влета во хала на аеродромот во Глазгов и се запали. Повредени беа пет лица.
-
Хронологија: Исламистички терористички напади во Европа
11.12.2010: Страв од терор во Шведска
Автомобил експлодира на овој агол во центарот на Стокхолм. Веднаш потоа на само неколку метри понатаму се разнесе атентатор-самоубиец. Среќа во несреќа: во обата напада немаше загинати, туку само повредени луѓе.
-
Хронологија: Исламистички терористички напади во Европа
02.03.2011: Германија во фокусот
Атентаторот Арид Ука во еден автобус на аероидромот во Франкфурт целно пука врз невооружени војници од САД. Притоа уби двајца, а тешко рани уште тројца од војниците. Овој атентат се смета за прв исламистички напад во Германија
-
Хронологија: Исламистички терористички напади во Европа
02.11.2011: Напади против сатирата
Францускиот сатиричен магазин „Шарли Ебдо“ беше цел на напад поради објавување критички материјали за исламот. Во текот на ноќта низ прозорците беа фрлени молотови коктели во просториите на редакцијата. За среќа, никој не беше повреден.
-
Хронологија: Исламистички терористички напади во Европа
11. - 15.03.2012: Војници како цел
Во францускиот град Тулуз убиен е војник со истрел во главата. По четири дена уследија и други убиства. Убиецот во писмо во кое ја презема одговорноста, убиецот вели дека сакал да се одмазди за ангажманот на француската армија во Авганистан
-
Хронологија: Исламистички терористички напади во Европа
19.03.2012: И Евреите се на мета
Во натамошен напад, атентаторот од Тулуз уби учител и три деца пред едно еврејско училиште. Тој се радикализирал во една салафистичка група и се означи себе си како божји воин по налог на Ал Каеда.
-
Хронологија: Исламистички терористички напади во Европа
18.07.2012: Теророт ја зафати и Бугарија
Во напад врз автобус со израелски туристи во Бургас се убиени седум луѓе, а 30 се ранети. Одговорноста за нападот нешто потоа и’ беше припишана на либанската шиитска организација Хезболах.
-
Хронологија: Исламистички терористички напади во Европа
22.05.2013: Случајот Ли Ригби
Британскиот војник Ли Ригби беше прегазен со автомобил во едно лондонско предградие и од две лица во возилото беше убиен со ножови и мачета. По убиството сторителите не избегаа, туку дозволија да бидат снимани од минувачи.
-
Хронологија: Исламистички терористички напади во Европа
24.05.2013: Напад со нож во Париз
Во напад со нож во Париз е ранет еден војник. Малку подоцна полицијата го уапси напаѓачот. Тој, според полицијата, не бил приврзаник на џихадот, туку на едно пофундаменталистичко толкување на исламот.
-
Хронологија: Исламистички терористички напади во Европа
24.05.2014: Повратник од Сирија - атентатор
Вооружен напаѓач уби четворица луѓе во влезниот простор на Еврејскиот музеј во Брисел. Атентаторот има предисторија: се радикализирал в затвор и повеќе од една година војувал како џихадист во Сирија.
-
Хронологија: Исламистички терористички напади во Европа
07.01.2015: Напад врз слободата на печатот
Двајца атентатори ги нападнаа редакциските простории на сатиричниот магазин „Шарли Ебдо“ во Париз и убија 12 лица. Во супермаркет за кошер-производи се одигра грабнувачка драма со 4 жртви. Сите атентатори беа убиени од силите за безбедност.
-
Хронологија: Исламистички терористички напади во Европа
13.11.2015: Париз во шок
Во координирани напади во Париз беа убиени 130 луѓе, а околу 300 беа ранети. Одговорноста за атентатите ја презема терористичката милиција „Исламска држава“. Речиси истовремено на шест места во Париз повеќемина атентатори извршија напади врз барови и ресторани, како и врз една концертна хала.
-
Хронологија: Исламистички терористички напади во Европа
12.01.2016: Напад врз туристи во Истанбул
Напаѓач самоубиец на Исламска Држава уби 12 лица во историскиот центар на турската метропола разнесувајќи се со бомба среде туристичка група.
-
Хронологија: Исламистички терористички напади во Европа
22.03.2016: Двоен напад во Брисел
Исламистички атентатори со повеќе бомби усмртија 32 лица на меѓународниот аеродром и во метро станица во белгискиот главен град.
-
Хронологија: Исламистички терористички напади во Европа
14.07.2016: Напад со камион во Ница
Атентатор со камион влета во маса на шеталиштето на францускиот пристанишен град. Загинаа најмалку 86 лица. По нападот Исламска држава преку своја објава на страницата „Амак“ ја презеде одговорноста за ова злосторство.
-
Хронологија: Исламистички терористички напади во Европа
19.12.2016: Напад врз божикен панаѓур во Берлин
Главниот град на Германија кусо пред Божик стана цел на терористички напад. Член на терористичката милиција Исламска држава уби 12 лица удирајќи со украден камион во центарот на божикен пазар. Неколку дена потоа, 24-годишниот Тунежанец е убиен во близината на Милано при полициска контрола.
-
Хронологија: Исламистички терористички напади во Европа
22.03.2017: Напад во срцето на Лондон
Напаѓач со автомобил намерно заврте во пешачката зона на мост во центарот на Лондон, по што избоде еден полицаец. Четири лица им подлегнаа на повредите. Британските безбедносни сили го убија сторителот.
-
Хронологија: Исламистички терористички напади во Европа
07.04.2017: Терор во шопинг-зоната на Стокхолм
Во шопинг улицата во главниот град на Шведска напаѓач со украден камион удри прво во толпа луѓе, а потоа и во трговски центар. Пет лица го загубија животот, а 15 се повредени. Уште истиот ден, полицијата уапси 39-годишен Узбекистанец под сомнение за тероризам.
-
Хронологија: Исламистички терористички напади во Европа
22.05.2017: Експлозија во Манчестер Арена
Најмалку 22 лица загинаа а близу 60 се повредени во нападот со импровизирана експлозивна направа во концертната сала во британскиот град. Експлозијата одекнала пред самиот крај на концертот на американската пејачка Аријана Гранде.
Автор: Сабрина Пабст
