Центар за борба против тероризмот
15 декември 2004Министерот Шили изјави дека станува збор за квалитетен скок во соработката на властите. За и оптички да го прикаже тој скок Шили на новинарите им претстави графички приказ на соработаката на институциите и нивните задачи. Во центарот на таа шема е дневното информирање на состојбите, објасни Шили:
“Оценката на опасностите врз основа на информациите и предупредувањата, како и новите сознанија ќе бидат заеднички анализирани и вреднувани. Како пример може да послужи нападот врз американскиот конзулат во Џеда во Саудиска Арабија. Во таков случај мора да се процени како да се дејствува и дали се треба одново да се просудува?“
Во таквите проценки во прво време ќе учествуваат околу 100 службеници на сојузната криминална служба и 15 експерти од сојузната служба за заштита на уставот. Во наредната година ќе им се приклучат уште 50. Во заедничкиот тим на центарот за одбрана од тероризам ќе му припаѓаат соработници од различни подрачја: сојузната известителна служба, сојузната и покраинските криминални служби и за заштита на уставот, царинската и воената известителна служба. Претседателот на сојузната служба за заштита на уставот Хајнц Фром во таа пригода изјави:
“Решавачко е дневното собирање, како и меѓусебната доверба во соработаката: да се анализираат случаите и нивнта констелација и да се разгледуваат различни мерки. Притоа е сосема јасно дека службата за заштита на уставот нема егзекутивни компетенции. Тоа е суштината на поделбата на работата. Оперативните задачи ги има полицијата“.
Носители на центарот се сојузната криминална служба и сојузната служба за заштита на уставот, меѓутоа не станува збор за нова институција, изјави Шили, туку за поефикасна соработка.