1. Прескокни до содржината
  2. Прескокни до главната навигација
  3. Кон други страници на DW

Убиен вториот човек на Ал Каеда

28 август 2011

Вториот човек на терористичката организација Ал Каеда загинал во напад на беспилотно летало во Пакистан, тврдат американски извори. Либиецот Атија Абд ал-Рахман бил убиен уште во понеделникот во регионот Вазиристан.

https://p.dw.com/p/12Ouw
Фотографија: AP

Тоа го соопшти висок претставник на американската влада во Вашингтон, без да наведе повеќе детали околу околностите под кои загинал Ал-Рахман. Според Вашингтон, тој бил вмешан во планирањето на голем број терористички напади и неговата смрт претставува голем удар за терористчката организација. По смртта на Бин Ладен, во мај во Пакистан, Ал-Рахман бил „унапреден“ и ја добил функцијата главен организатор на Ал Каеда, пишува весникот „Њујорк тајмс“, повикувајќи се на извори од тајните служби.

Автор: ТТ/дв

Редактор: Е.М.Фиданоска