Лига Купот на Германија за Баерн Минхен
29 јули 2007Првиот трофеј оваа сезона оди во рацете на баварците благодарејќи на голгетерскиот инстинкт на Мирослав Клозе . Во тешкиот дуел за престиж во кој беше добро чуван , реперзентатицецот искористи мала грешка и недоразбирање во одбраната на Шалке и по половина час го доведе Баерн во водство . Овој прв гол на официјален натпревар на Клозе откако пристапи во редовите Баварците , беше доволен за победа . Шалке имено ретко создаваше опасни шанси . најголемата ја имаше репрезентативниот напаѓач Кевин Курањеи но голманот на Баерн Оливер Кан беше поуспешен во дуелот :
„ Баерн добро играше во одбраната , и ние не можевме да направиме многу шанси. Мислам дека тоа беше изедначен натпревар со малку белескави моменти на двете страни“ – изјави по средбата играчот на Шалке Фабиен Ернст .
Баерн имаше две посериозни шанди за гол преку Хамит Алтинтоп кој играше против своите довчерашни соиграчи од Гелзенкирхен и преку Филип Лам во последната минута . Сепак и ниската победа значи многу за Баварците- истакна по средбата уште еден новодојденец во баерн , репрезентативниот бек Марсел Јансен:
„Многу се радуваме , бидејќи сега се знае , зошто беа сите патувања и тешки тренинзи за време на подготвителниот периот . Мислам дека ова е и добар знак , го покажува тимскиот дух , како и дека можеме да компензираме многу недостатоци“