Барадеи со критика до САД

Директорот на меѓународната агенција за атомска енергија Мохамед Ел Барадеи ја критикуваше одлуката на САД да им помогне во снабдувањето со оружје на своите сојузници на Блискиот Исток. Ел Барадеи реагира на понудата на Вашингтон во наредните 10 години да му позајми на Израел 30 милијарди долари за набавка на воена оперема. САД му понудиле воена опрема и на другиот важен сојузник, Саудиска Арабија. Целта на ваквиот чекор е да се создаде во регионот противтежа на Иран. „Фрлање уште пари на вооружување нема да помогне во решавањето на кризата“, изјави Ел Барадеи.