1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Zanga-zangar adawa da Nicolas Maduro

Ahmed SalisuSeptember 2, 2016

Masu adawa da mulkin Shugaba Nicolas Maduro na kasar Venezuwela sun ce za su cigaba da yin zanga-zanga don yin matsin lamba ga shugaban har sai ya sauka daga mulki.

https://p.dw.com/p/1Juat
Venezuela Proteste gegen amtierende Regierung
Hoto: Getty Images/AFP/J. Barreto

'Yan adawa suka ce mutanen da suka haura miliyan guda da suka fantsama kan tituna a jiya na son ganin an yi kuri'ar raba gardama kan batun saukar Shugaba Maduro daga gadon mulki. Galibin masu wannan zanga-zanga dai sun ce sun dawo daga rakiyar gwamnatin kasar ce saboda yadda ta gaza magance matsalar karanci abinci da magunguna sakamakon matsalar da tattalin arzikin kasar ke fuskanta a halin yanzu.

To sai dai a share guda masu goyon bayan gwamnatin kasar su ma sun gudanar da tasu zanga-zangar a jiya musamman a Caracass babban birnin kasar inda suka ta rera kalaman Allah wadai da masu adawa da gwamnatin wanda suka ce suna so ne kawai su dagula lamura a kasar.