Zanga-zanga a Sao Paulo | Labarai | DW | 09.06.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Zanga-zanga a Sao Paulo

'Yan sanda kwantar da tarzoma a birnin Sauo Paulo na Brazil sun yi amfani da kulake da barkonon tsofuwa domin tarwatsa wasu ɗaruruwan matasan da ke yin zanga-zanga.

Masu aiko da rahotannin sun ce mtasan sun datse hanyoyi da shingaye a tsakiyar birnin inda suka cina wuta ga kondaye na shara da kuma tayoyi, tare da kawo cikas ga al'amuran zirga- zirga. Yayin da ya rage kwanaki uku a soma gudanar da gasar cin kofin duniya na ƙwalon ƙafa a Brazil.

Har yazuwa yanzu an gaza cimma daidaito tsakanin gwamnatin da ƙungiyoyin ƙwadago na sufurin jiragen ƙasa da motocin bus da ke yin yajin aiki a Saulo Paulo inda nan ne za a buɗe wasannin ran Alhamis mai zuwa.

Mawallafi : Abdourahamane Hassane
Edita : Usman Shehu Usman