Mali ta gudanar da zabe

Babba misali na rashin tsaro, a wasu mazabun ala tilasr hukumar zabe ta canza wasu wuraren kada kuri'a na rumfuna, domin an yi ta samun hare-haren 'yan bindiga da ke ikirarin jihadi. Dama dai jama'a sun yi ta nuna shakkun gudanar da zaben musamman a arewaci da tsakiyar kasar ta Mali, inda 'yan ta adda ke kai wa jami'an gwamnati da fararen hula hari. To amma bisa dagewar da gwamnati Ibrahim Boubakar Keita, an ci gaba da zabe, amma a wannan zagaye na biyu an samu karancin fitowar jama'a. Baya ga matsalar tsaro, akwai kuma annobar Coronavirus wanda yanzu haka ke yaduwa a kasar ta Mali. Bisa matsalolin tsaro, wasu daga cikin 'yan takaran ba su samu ko daman yin yakin neman zabe ba. Shi kansa babban jagoran adawan kasar ta Mali Soumaila Cisse, wasu da ba'a kai ga sanin ko su waye ba, sun sace shi gabanin gudanar da zaben.