1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Za a fara sabon binciken jirgin Malesiya

Abdul-raheem Hassan
January 10, 2018

Gwamnatin Malesiya ta sha alwashin ba da dala miliyan 70 ga wani kamfanin Amirka da ya kware wajen bincike a Teku don fara sabon bincike kan jirgin kasar samfurin MH370 da ya yi batan dabo shekaru hudu baya.

https://p.dw.com/p/2qcys
Malaysia Kuala Lumpur Gedenkfeier Verschwinden Flug MH370
Hoto: picture-alliance/dpa/F. Ismail

Ministan kula da sufurin kasar Malesiya Liow Tiong ya ce gwamnati za ta biya kudaden ne kawai idan har kamfanin ya gano akwatin nadar bayanan jirgin wato Black Box a ciki kwanaki 90.

Za a fara sabon binciken ne a tsakiyar watan Janairun shekarar 2018 a wurin da ya kai fadin murabba'in kilomita dubu 25,000 a kudancin Tekun Indiya.

Tun bayan batan jirgin a watan Maris din shekarar 2014 tare da fasinjoji sama da 200, an fara samun wasu tarkacen jirgin a sassan gaban tekun wasu kaashen Afirka.