1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Lafiya

An samu ci-gaba a neman maganin AIDS

Gazali Abdou Tasawa
July 6, 2019

Wasu kwararrun likitoci masu aikin bincike a Amirka sun yi nasarar warkar da wasu beraye da aka yi gwajin wani magani na karya kwayar cutar AISD a kansu.

https://p.dw.com/p/3LgYd
HIV Labor Screening Wissenschaft
Hoto: picture-alliance/dpa/G. Bally

Kwararrun likitocin guda uku Prasanta K.Dash, da Rafal Kaminski, da kuma Ramona Bella da ke aiki a jami'o'in Nebraska da Philadelphia sun yi nasarar warkar da kaso daya daga cikin uku na berayen da aka yi gwajin kansu ta hanyar amfani da wasu fasahohin kimiyya na zamani guda biyu. 

Wannan dai shi ne karo na farko a tarihi tun bayan gano cutar ta Sida a shekara ta 1983 da wasu likitoci suka yi nasarar warkar da cutar kan wata halitta. Har ya zuwa wannan lokaci dai magungunnan da ake amfani da su wajen yaki da kwayoyin cutar na HIV, na taimakawa ga rage kaifin kwayoyin cutar kawai amma ba kawar da su ba kwata-kwata.