Gasar cin kofin kwallon fata ta duniya

Kasar Jamus ta fada rukunin E inda kasashen Spain da New Zealand da Japan suka fada. Sannan Faransa mai rike da kambun wasan tana rukunin D da ya kunshin kasashen Faransa da United Arab Emirates da Australia da Peru da Denmark da kuma Tunisia.

A wasannin lig na Jamus wato Bundesliga, Union Berlin ta doke FC Kolon 1 da nema, Arminia ta tashi 1 da 1 da kungiyar Stuttgart, sannan Leverkusen ta doke Hertha Berlin 2 da 1, a nata bangaren Frankfurt ta tashi babu wadda ta jefa kwallo a raga yayin wasa da kungiyar Greuther Fürth kana Augsburg ta doke Wolfsgsburg 3 da nema, ita kuma kugiyar Bochum ta bi Hoffenheim gida ta doke ta 2 da 1.

Sannan kungiyar Bayern Munich ta bi Freiburg har gida ta lallasa ta 4 da 1, kuma wannan wasa muka gabatar kai tsaye daga nan sashen Hausa na DW wanda AbdulRaheem Hassan da Abdourahaman Hassane suka gabatar:

A wasannin lig na Ingila, Premier Lig, Manshester United ta tashi 1 da 1 da kungiyar Leicester, sannan Manchester City ta bi Burnley har gida ta doke ta 2 da nema, a nata bangaren kungiyar West Ham ta doke Everton 2 da 1.

A wasannin La Liga na Spain, Real Madrid ta bi Celta gida ta lallasa ta 2 da 1, kana Barcelona ta doke Sevilla 1 mai ban haushi. Ita kuma Betis ta yi raga-raga da Osasuna 4 da 1.

Babban jami'in hukumar kula da wasan zari-ruga na duniya, Alan Gilpin ya ce kasar Australiya tana bukatar 'yan wasa masu kuzari lokacin wasan duniya na maza na shekara ta 2027 da na mata ta shekarar 2029, kuma babban jami'in ya fada haka lokacin da Australiya ta gabatar da neman daukar nauyin wasan na mata na shekara ta 2029.