Wa'adin mulkin Barak Obama na biyu ya fara.

Jiya ne a fadar White House aka shirya wani ɗan ƙwarya-ƙwaryan biki, domin rantsar da shugaba Barack Obama a wa'adin mulkin na biyu.Kamar yadda kudin tsarin mulkin Amurika ya tanada 20 ga watan Janiru ta kamata shugaban yayi rantsuwar kama aiki, to saida a wannan karo ranar ta faɗa Lahadi,wadda ke matsayin ranar hutu.Nan gaba a yau za a shirya wani gagaramin biki a birnin Washington, wanda ake sa ran kimanin mutane miliyan ɗaya za su halarta domin rantsar da shugaba Barack Obama.

A jawabin da zai gabatar albarkacin bikin, Obama zai baiyana mahimman bururukan da ya sa gaba a tsawan shekaru huɗu masu zuwa.

Mawallafi: Yahouza Sadissou Madobi
Edita: Mohammad Nasiru Awal