An shirya gudanar da gagarumin gangamin korar shugaba Maduro
February 2, 2019Talla
Guaido da ke samun goyon bayan manyan kasashen duniya, ya yi facali da duk wani tayi na shiga yarjejeniya da Shugaba Maduro ya yi masa, inda ya kafe kan a gudanar da sabon zabe bisa tafarki irin na demokradiyya. Madugun adawan ya ce lokaci ya yi da Venezuela za ta fita daga cikin yanayi da gwamnati mai ci ta jefa jama'ar kasa, na rayuwa cikin kunci da yunwa da talauci da tauye hakkin dan adam. Rikicin siyasa ya barke makonni biyu da suka gabata bayan da Juan Guaido ya ayyana kansa a matsayin shugaban kasa na riko.