Trump zai gana da Xi Jinping na Chaina | Labarai | DW | 20.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Trump zai gana da Xi Jinping na Chaina

Shugaban kasar Amirka Donald Trump ya bayyana cewar zai tabo batun mutanen nan 'yan kasar Kanada wadanda ke tsare a Chaina yayin ganawar da zai yi da shugaba Xi Jinping.

Shugabannin za su tattauna batun zargin kamfanin fasahar sadarwa na Huawei da Amirkan ta yi da leken asiri a taron kasashe masu karfin tattalin arziki da zai gudana a mako mai kamawa. Trump ya bayyana hakan ne a lokacin da ya karbi bakuncin Firaiministan Kanada Justus Trudeau a wannan Alhamis.