1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Kwaskware bangaren shari'a a Poland

Lateefa Mustapha Ja'afar
July 4, 2018

A kokarinta na nuna adawarta ga tilasta mata ajiye mukaminta, babbar alkalin kasar Poland Malgorzata Gersdorf ta isa gurin aikinta da ya kasance kotun koli a Warsaw babban birnin kasar.

https://p.dw.com/p/30pRR
Polen | Proteste gegen Zwangsruhestand für Richter
Babbar alkalin kasar Poland Malgorzata Gersdorf a tsakiyar masu zanga-zangar adawa da tilasta alkalai yin murabusHoto: Reuters/Agencja Gazeta/M. Jazwiecki

Matakin nata dai na zuwa ne a dai-dai lokacin da dubban al'ummar kasar ke ci gaba da yin zanga-zangar neman a saki ragama ga bangaren shari'ar kasar, domin gudanar da aikinsa cikin 'yanci. Gersdorf ta nunar da cewa ta je wajen aikinta ne domin kare kundin tsarin mulkin kasar da kuma tabbatar da bin doka yadda ya kamata.

Gersdorf da sauran abokan aikinta sun nuna tirjiya da manufar gwamnatin kasar ta masu ra'ayin mazan jiya, na tilasta wasu alkalai 27 yin murabus ba tare da lokacin ajiye aikinsu ya yi ba, a wani mataki da gwamnatin ta ce na yi wa bangaren shari'ar kasar kwaskwarima ne.