Taron warware rikicin siyasar Tunisiya | Labarai | DW | 26.10.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Taron warware rikicin siyasar Tunisiya

A wannan Asabar ɗin ce aka shiga rana ta biyu a taron da ake a ƙasar domin warware rikicin siyasar da ƙasar ta faɗa bayan da aka kashe wani jigo na 'yan adawa.

Main title/ Subject: national dialogue conference. Photo title: national dailogue conference. Place and Date : 2013, Tunisia Copy Right/ Photographer: Taieb Kadri Political leaders of main parties at national Dialoge Conference in Tunesien. Rechte: DW Korrespondent in Tunesien khaled Ben Belgacem Fotos von. 2013. Zulieferer: Mulham Shaalan (Honorar durch Redaktion beglichen).

Mahalarta taron warware rikicin siyasar Tunisiya

Nan gaba a yau ne dai masu shiga tsakani za su hadu domin girka wani kwamiti na ƙwararru da zai fidda kundin tsarin mulkin ƙasar na wucin gadi, kwamitin da aka yi ta jan kafa wajen girkawa tun kusan shekarun biyun da suka gabata. A jiya ne dai aka buɗe wannan taro inda shugabannin jam'iyyar Ennahada da ke yin mulki a ƙasar da kuma 'yan adawa suka gudanar da wata tattaunawar da ta kai su cikin tsakar daren jiya a wani yunƙuri da suke yi na yanke shawarar irin gwamnatin da za a girka.

Gabannin fara wannan taron dai, firaministan ƙasar Ali Larayedh ya yi alƙawarin yin murabus wanda zai ba da damar naɗa wani sabon firaminista da ma girka sabuwar gwamnati sai dai kawo yanzu wasu 'yan adawar ƙasar na nuna shakku game da hakan.

Mawallafi: Ahmed Salisu
Edita: Abdourahamane Hassane