1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An karfafa tsaro bayan kisan mutum 290

Ramatu Garba Baba MNA
April 22, 2019

Wasu 'yan kunar bakin wake 7 ne suka kaddamar da hare-haren da suka lakume rayuka 290 a yayin da gwamnatin kasar ta janye dokar hana fita da ta sanya a birnin Colombo da ke cikin jimami a sanadiyyar ayyukan ta'addanci.

https://p.dw.com/p/3HClk
Sri Lanka Negombo Explosion in St. Sebastian Kirche
Hoto: Reuters/Stringer

Rayuka 290 suka salwanta yayin da wasu fiye da 500 suka sami rauni a jerin hare-haren da aka kai kan coci-coci da otel-otel da suka jefa kasar cikin yanayi na jimami tare da fargabar barkewar rikici na kabilanci. Tuni ma dai rahotanni ke nuni da cewa an kai wasu hare-hare da ake ganin na ramuwar gayya ce a wani yanki da ke arewa maso yamma na kasar a daren ranar Lahadi.

A wannan Litinin shugaban kasar Mai-thri-pala Siri-sena ya kira wani taro na gaggawa da ya hada da kwamitin tsaro.

Kawo yanzu babu kungiyar da ta fito ta dauki alhakin kai wadannan hare-haren a yayin da mabiya addinin kirista kamar sauran kasashen duniya ke tsakiyar bikin Easter, daya daga cikin manyan bukukuwan mabiya wannan addini a duniya.