1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Spain da Brazil da kuma Mexico za su taimakawa Cuba

Fauziyya Dauda
April 19, 2026

Kasar Cuba ta fada cikin rikicin jin kai tun bayan da Amurka ta sanya takunkumi kan man kasar.

https://p.dw.com/p/5CRH4
Cuba ta fuskanci daukewar lantarki sakamakon takunkumin Amurka
Cuba ta fuskanci daukewar lantarki sakamakon takunkumin AmurkaHoto: Yamil Lage/AFP

Kasashen Spain da Brazil da kuma Mexico sun yi alkawari kara inganta ayyukan jin kai domin taimakawa kasar Cuba. Kasashen uku sun ce Cuba ta fada cikin rikicin na jin kai sakamakon takunkumin da Amurka ta sanya kan man kasar. An gudanar da taron koli na kasashen ne domin kare dimukuradiyya da ke fuskantar kalubale daga masu tsattsaurar ra'ayi.

Karin bayani: Ina ganin zan karbe iko da kasar Cuba - Trump

A cikin sanarwar hadin gwiwa da suka fitar, kasashen sun bukaci da a gudanar da zama na musamman tare da neman dakile duk wani yunkuri na mamayar sojoji a Cuban. Shugaba Trump ya sha yin barazanar kaddamar da mamaya a Cuba, kuma kasar ta sha fama da daukewar wutar lantarki sakamakon takunkumin na Amurka.