Daren farko a hannun hukuma

An zargi Mista Sonko, da laifin tayar da hargitsi ta hayar tunzura magoya bayansa da su barke da fitina, a yayin da yake kan hanyar isa kotun birnin Dakar don saurarensa, kan wata karar da ke gabansa na tuhumar cin zarafin wata matar da ke aikin taushe a wani gidan gyaran jiki da gashi, wacce ta zargi dan siyasar da neman yi mata fyade. An shafe tsawon wunin jiya Laraba ana duki ba dadi tsakanin magoya bayan dan siyasar da jami'an tsaro, to amma duk da haka ba wani rahoton da ke tabbatar da mutuwa ko samun rauni haka da kame-kamen wadanda aka zarga da tayar da hargitsin ba.