1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Shugaban Afirka Ta Tsakiya ya ce zai kafa gwamnatin haɗin kan ƙasa

December 30, 2012

Francois Bozizé ya ce a shirye ya ke ya tattauna da ya tawayen ba tare da wasu sharuɗa ba, sannan ya ce ba zai sake tsayawa takara ba a zaɓen shugaban ƙasa

https://p.dw.com/p/17BQK
François Bozizé, Präsident von Zentralafrika. Central African Republic President Francois Bozize listens during a session on the 17th African Union Summit with theme of youth empowerment, at the Sipopo Conference Center, outside Malabo, Equatorial Guinea, Thursday, June 30, 2011. (AP Photo/Rebecca Blackwell)
Hoto: AP

Shugaban ƙungiyar Tarrayar Afirka kana kuma shugaban ƙasar jamhuriyar Benin Thomas Boni Yayi wanda ya gana da shugaban Afirka Ta tsakiya wannan Lahadin (30.12.12) a birnin Bangui, ya sanar da cewar shugaba Francoi Bouzizé ya yi alƙawarin kafa gwamnatin haɗin kan ƙasa domin saka 'yan tawaye a cikin gwamnatin.

Bayan tattaunawar da gwamnatin za ta yi da ƙungiyar yan tawayen Seleka a cikin sabon wata mai kamawa a birnin Librevile, na Gabon, shugaban kuma ya yi alƙawari ba zai sake tsayawa takara ba a zaɓen shugaban ƙasar na shekara ta 2012.Tun da farko yan tawayen waɗanda ke daf da birnin Bangui, fadar gwamnatin ƙasar sun ce buƙatar su ita ce a mutunta yarjejeniyar da aka cimma tsakaninsu da gwamnatin a shekara ta 2007. To amma daga bisani sun ce tilas ne shugaban ya sauka daga mulki.

Mawallafi : Abdourahamane Hassane
Edita : Saleh Umar Saleh