Shugaba Obama da Castro sun yi musabaha | Labarai | DW | 11.04.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shugaba Obama da Castro sun yi musabaha

A cewar sakataren janar na MDD Ban Ki-Moon bayyanar ta shugaba Raul Castro a wajen taron wani abu ne da aka dade ana jimirin gani. Bisa fatan sauyi a kasar mai bin tsarin kwaminisanci

A cewar Bernadette Meehan da ke magana da yawun cibiyar samar da tsaro a Amirka, shugabannin biyu sun hadu suka gaisa kafin bude taron kolin na kasashen Latin Amirka da ke gunadana a Panama .

Shugaban kasar ta Cuba Raul Castro da shugaba Barack Obama na Amirka, sun yi musabahar ne a jiya Juma'a karon farko da shugabannin kasashen biyu ke ganawa, tun bayan da aka shiga tsamin dangantaka tsakanin kasashen biyu a farkon shekarar 1961.

Wannan gayyata da aka yi wa kasar ta Cuba dai, na zama karon farko da aka yi mata dan halartar taron kasashen Latin na Amirka.

A cewar Sakataren Majalisar Dinkin Duniya Ban Ki-Moon, bayyanar ta shugaba Raul Castro a wajen taron wani abu ne da aka dade ana jimirin gani.

Shugaba Castro kafin ya zauna cikin jerin shugabanni a wajen taron, ya tafa da ma dan yin wasannin ban dariya da shugaba Juan Carlos na kasar ta Panama da mai dakinsa.