1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Sakamakon zaɓen shugaban ƙasa a Cyprus

February 17, 2013

Za a je zagaye na biyu tsakanin Anastasiades da Malas a zaɓen shugaban ƙasar Cyprus ranar 24 ga watan Fabrairu

https://p.dw.com/p/17fqP
Cypriot presidential election candidate Nikos Anastasiades during the last televised debate, Nicosia, Cyprus, 11 February 2013. The first round of the elections will be held on 17 February 2013. The two candidates to secure the most votes will go on to the second round, scheduled for 24 February 2012. A candidate must secure 50 per cent plus one vote to be elected President of the Republic.
Wahlen Zypern Nikos AnastasiadesHoto: picture-alliance/dpa

Sugaban jam'iyyar Disy, Nicos Anastasiades mai shekaru 66 da haihuwa, ya lashe kashi 45 cikin ɗari a zaɓen shugaban ƙasa da aka gudanar yau a Cyprus, a yayin da abokin hammayarsa, Stavros Malas na jam'iyyar AKEL communist , ya samu kashi 27 cikin ɗari, sai kuma tsohon Ministan kula da harkokin ƙasashen wajen ƙasar, George Lillikas ya tashi da kashi 25 a cikin ƙuri'un da aka kaɗa.

Saɓanin yadda alƙalluman farko suka nunar , a yanzu cilas aje zagaye na biyu ranar Lahadi mai zuwa tsakaain 'yan takara biyu da ke kan gaba wato Nocos Anastasiades da Stavros Malas.

A tarihin ƙasar Cyprus zaɓen wannan shekara ,na da muhimmanci sossai, ta la'akari da matsalolin tattalin arziki da ƙasar ke fuskanta, da kuma matsalar tsuke bakin aljihun a ƙasashen ƙungiyar Tarayya Turai

Babban ƙalubalen da ke a gaban wanda zai lashe zaɓen , shi ne farfaɗo da tattalin arzikin ƙasar da ya shiga halin tsaka mai wuya.

Mawallafi: Yahouza Sadissou Madobi
Edita: Saleh Umar Saleh