1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Sabon shugaban babban bankin Vatican

February 15, 2013

Fafaroma ya amince da nada wani Ba-jamushe a matsayin gwamnan babban bankin Vatican

https://p.dw.com/p/17et2
A view of the building at left which hosts the Vatican bank, formerly knows as the Institute for Religious Works, IOR, inside the Vatican, on Monday, Feb. 7, 2011. (ddp images/AP Photo/Domenico Stinellis)
Bankin VaticanHoto: AP

Bayan badakalar da tayi awon gaba da tsohon mai rike da mukamin gwamnan babban bankin Vatican, a wannan Jumma'ar ce fafaroma Benedict  na 16- mai barin gado ya amince da nadin Ernst von Freyberg, ƙwararren lauya kuma dan kasar Jamus a matsayin sabon shugaban babban bankin na Vatican.

Wannan lamarin dai ya kawo karshen tsawon watanni tara da aka dauka na kyale mukamin - ba tare da wanda ke kula da shi ba, bayan mutumin da ya gada mukamin, ya fuskanci sallama, ba zato ba tsammani sakamakon cece-kuce akan rashin mutunta ƙa'idojin da aka tanadar wajen kashe kudi a bankin.

Wata sanarwar da ta fito daga fadar fafaroma a Vatican, ta ce hukumar kula da harkokin manyan limaman maja'miar ta fadar Vatican, wadda ke sanya ido akan lamuran bankin domin gudanar da harkokin addini, ta yi na'am da nadin shi Ernst von Freyberg a matsayin sabon gwamnan babban bankin.

Mawallafiya: Pinado Abdu Waba

Edita:            Zainab Mohammed Abubakar