Rasha ta bawa Snowden mafakar siyasa | Labarai | DW | 01.08.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rasha ta bawa Snowden mafakar siyasa

Mahukuntan Rasha sun amince da bukatar da wanda ya kwarmata bayanan sirrin Amurka nan Edward Snowden ya mika mata ta neman mafakar siyasa ta shekara guda.

epa03809713 (FILE) A file video grab courtesy of British The Guardian newspaper, London 10 June 2013 showing former CIA employee Edward Snowden during an exclusive interview with the newspaper's Glenn Greenwald and Laura Poitras in Hong kong. Media reports on 01 August 2013 state that US whistleblower Edward Snowden has left Moscow airport after he has been granted temporary asylum in Russia in a statement by his lawyer. EPA/GLENN GREENWALD / LAURA POITRAS / HANDOUT MANDATORY CREDIT: GUARDIAN / GLENN GREENWALD / LAURA POITRAS, HANDOUT EDITORIAL USE ONLY/NO SALES

Edward Snowden verlässt Flughafen Moskau

Rahotanni daga birnin Moscow kasar Rasha na cewar dan Amirkan nan Edward Snowden da ya kwarmata wasu bayanan sirrin Amirka, kuma ya ke makale a filin jirgin saman Moscow din na sama da wata guda ya samu mafakar siyasa ta shekara guda a kasar.

Da ya ke bayani game da wannan batun, lauyan Mr. Snowden din Anatoly Kucherena ya ce a wannan Alhamis din ce ya mikawa Snowden din takardun izinin zama a kasar na wucin gadi bayan da hukumomin kasar suka amince da bukatar da ya mika musu a kwanakin baya.

Wani jami'i da ke aiki a filin jirgin saman da ke Moscow din inda Snowden ya makale ya gayawa kamfanin dillancin labarai na Reuters a Moscow cewar ya shaida sanda Snowden din ya bar filin jirgin saman sai dai lauyansa ya ce ba za su bayyana inda ya nufa ba saboda dalilai na tsaro.

Mawallafi: Ahmed Salisu
Edita: Umaru Aliyu