Labarai
Poland: Shekaru 75 da 'yanto Auschwitz
Shekaru 75 ke nan da 'yanto mutanen da aka tsare a sansanin gwale-gwale na Auschwitz da ke kasar Poland da 'yan Nazi suka samar. Sojojin Tarayyar Soviet ne dai suka ceto mutanen da aka tsare a sansanin
Gwamnatin 'yan Nazi ta Adolph Hitler da ke mulki a Jamus a wancan lokaci ne dai, ta azabtar tare da halaka mutane sama da miliyan daya akasarinsu Yahudawa a loakcin yakin duniya na biyu.
Albarkacin wannan rana mutane sama da 200 daga cikin fursinonin da aka tsare a sansanin na Auschwitz wadanda suka tsira da rayukansu da kuma ke raye, za su halarci bikin domin bayar da shaida kan yadda rayuwa ta kasance a sansanin gwale-gwalen a wancen lokaci da nufin fadakar da duniya, a daidai lokacin da akidar kyamar Yahudawa da ma kai masu farmaki ke karuwa musamman a kasashen Turai da Amirka.
Shugabannin kasashe da na gwamnatoci kimanin 60 ake sa ran za su halarci bikin na wannan rana na birnin Auschwitz.
- Kwanan wata 27.01.2020
- Mawallafi Gazali Abdou Tasawa
- Muhimman kalmomi Poland, Auschwitz, 'Yan Nazi
- Ra'ayinku: Aiko mana da ra'ayi
- Bugawa Buga wannan shafi
- Permalink https://p.dw.com/p/3Wr2R
Ƙarin rahotanni
- Kwanan wata 27.01.2020
- Mawallafi Gazali Abdou Tasawa
- Muhimman kalmomi Poland, Auschwitz, 'Yan Nazi
- Aiko mana da ra'ayi
- Bugawa Buga wannan shafi
- Permalink https://p.dw.com/p/3Wr2R