1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Obama ya tsuke bakin aljihunsa

April 4, 2013

Shugaba Barack Obama na Amirka ya dauki matakin tsuke bakin ajihunsa a sakamakon matsalar kudi da gwamnatinsa ke fuskanta.

https://p.dw.com/p/189I4
US President Barack Obama delivers a speech upon his arrival at Israel’s Ben Gurion airport on March 20, 2013. Obama landed in Israel for the first time as US president on Wednesday, on a mission to ease past tensions with his hosts and hoping to paper over differences on handling Iran's nuclear threat. AFP PHOTO/JACK GUEZ (Photo credit should read JACK GUEZ/AFP/Getty Images)
Hoto: Jack Guez/AFP/Getty Images

Sanarwar da aka bayar daga fadar White House ta yi nuni da cewa Obama zai rage kashi biyar daga cikin na albashin dala dubu dari hudu da yake samu. Shi dai albashin shugaban na Amirka doka ce ta kayyade, a don haka ba za a iya yi masa kwaskwarima ba. To amma wakilin gwamnati ya ce Obama bisa son ransa ya ce zai rage albashin da kashi biyar daga cikin dari. Ya kuma dauki wannan mataki ne domin nuna dankon zumunci ga ma'aikatan da aka tilasa wa zuwa hutu a watan Maris a matsayin bangare na shirin yin tsimin kudi. Ita dai gwamnatin Amirka ya zamo wajibi ta yi tsimin dala miliyan dubu 85 nan da watan Satumba.

Mawallafiya: Halima Balaraba Abbas
Edita: Mohammd Nasiru Awal