1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Sabon shugaban gwamnati a Maroko

Lateefa Mustapha Ja'afar
September 11, 2021

Sarki Mohammed na VI na Maroko, ya bayyana shararren dan kasuwa Aziz Akhannouch a matsayin sabon shugaban gwamnatin kasar.

https://p.dw.com/p/40Bf6
Marokko Wahlen Aziz Akhannouch Sieger
Sabon shugaban gwamnatin Maroko Aziz AkhannouchHoto: Chadi/Xinhua/picture alliance

Sarkin dai ya karbi bakuncin Aziz Akhannouch tare da bukatarsa da ya kafa sabuwar gwamnati kamar yadda fadar ta umarta. Jam'iyyar Akhannouch ta Independent National Assembly da ke da sassaucin ra'ayi, ta lashe kujeru 102 cikin 395 na majalisar dokoki a yayin zaben 'yan majalisun dokokin da aka gudanar a Maroko a ranar Larabar da ta gabata. A cewar ma'aikatar harkokin cikin gida ta Marokon jam'iyyar PJD da ke kan karagar mulki tun daga shekara ta 2011 ta sha gagarumin kaye, inda ta samu mambobi 13 kacal a majalisar dokokin a wannan karon.