Khodorkovsky ya ce ba zai yi siyasa ba | Labarai | DW | 22.12.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Khodorkovsky ya ce ba zai yi siyasa ba

Hamshaƙin ɗan kasuwar na Rasha wanda ya mallaki kamfanin man fetur na Lukos Mikhail Khodorkovsky ya ce zai shiga fafutuka domin taimaka wa fursunan siayasa.

A karon farko tun bayan da aka sako shi daga gidan kurkuku a ranar Jumma'a da ta gabata, Khodorkovsky yayi wani taron manema labarai a birnin Berlin inda ya jadadda cewar zai yi hannun riga da al'amuran siyasa.

Ya ce :''Kokowar neman mulki ba tawa ba ce, haka na rubuta a cikin wasiƙar da na aike wa shugaba Putin.'' Khodorkovsky wanda ya kwashe kusan shekaru goma ana tsare da shi a gidan kurkuku a kan laifin da ake tuhumarsa da shi na cin hanci da zamba. Ya ce zai mayar da hankali ta yadda za a iya kawo ƙarshen samun fursuna na siyasa. Kuma ya miƙa godiyyarsa ga shugabar gwamnatin Jamus Angela Merkel wacce ya ce ta taka rawa wajen ganin an sako shi.

Mawalafi : Abdourahamane Hassane
Edita : Usman Shehu Usman