Kamfanin Fiat da Peugeot sun hade | Labarai | DW | 19.12.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Kamfanin Fiat da Peugeot sun hade

Kamfanonin kera motoci na Peugeot na kasar Faransa da Fiat na hadin gwiwar Amirka da Italiya sun sanar da cimma yarjejeniyar hadewa don kafa kasaitaccen kamfani.

Sabon kamfanin hadin gwiwar zai kunshi ma'aikata dubu 400 ,sannan karfin hannun jarinsa zai kai miliyan dubu 170 na Dalar Amirka da kuma sayar da motoci milian takwas da dubu 700 a kowace shekara.

Kamfanonin biyu sun ce suna sa ran aikin karkare hadewar tasu a waje daya zai dauki watanni 12 zuwa 15 daga yanzu. Kamfanin kera Motoci na Volkswagen na kasar Jamus ne dai ke a yanzu haka a sahun gaba wajen sayar da motoci a duniya.

 Kamfanin hadin gwiwar Faransa da Japan na Ranault-Nissan- Mitsubishi na a matsayin na biyu a yayin da kamfanin Toyota na kasar Japan ke a matsayin na uku.