1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Bala'i

Hadarin jirgin sama a Indonusiya

Gazali Abdou Tasawa
October 29, 2018

A kasar Indonusiya wani jirgin sama na kamfanin Lion Air dauke da fasinjoji 188 ya nutse a gabar ruwan kasar a wannan Litinin jim kadan bayan tasowa daga birnin Jakarta. 

https://p.dw.com/p/37I36
Indonesische Luftlinie Lion Air
Hoto: Getty Images/A.Berry

Kakakin kamfanin na Lion Air ya bayyana cewa jim kadan bayan tashin jirgin wanda ya kama hanyar zuwa birnin Panhkal Pinang na tsibirin Bangka, ya sanar da jami'an filin jirgin saman birnin na Jakarta bukatar juyowa, amma kuma daga bisani sai sadarwa ta tsinke tsakanin jirgin da filin jirgin saman da misalin karfe shida da rabi wato karfe 11 da rabi na dare agogon JMT. 

Yanzu haka dai jami'an ceto na kasar ta Indonusiya na can na kokarin kai agaji a inda jirgin samfurin Boeing 737 ya fada ruwa a wani waje mai zurfin mita 30 zuwa 40 a cewar ofishin ministan sufurin jiragen sama na kasar.