Jamus: Tasirin Friedrich Ebert har yanzu

Gashin baki na musamman kuma gajere, giran ido da kamala, wannan shi ne Friedrich Ebert da yawancin daliban Jamus suka sani a wannan zamani. Shi ne shugaban kasar da aka fara zaba a shekara ta 1919.

Ebert ya bar tarihi a Schwarzburg da ke Thuringia: A shekarar 1919, ya sa hannu kan dokar Weimar Otal din Weisser Hirsch. Hotuna sun nuna shi yana kallo a gabashin Thuringia. Ebert na sha'awar yawo, amma harkokin siyasa ba su ba shi dama ba.

Rayuwar Friedrich Ebert na sirri ba ya bayyana. A wannan hoton shi ne a hannun dama, a wurin wanka a tekun Baltic da ke Travemünde a 1919. Bayan mako guda, a ranar rantsar da shi shugaban Jamus, hoton ya bayyana a birnin Berlin. Hoton ya dauki hankalin masu zabe.

Yawancin makarantun Jamus, cibiyoyi, tituna da gadaje kamar wannan a garin Duisburg, na dauke da sunan Ebert. Tsarin jam'iyyar Socialist da Ebert ya tsaya kai bayan yakin duniya na daya ya taimaka wa nasarar juyin juya halin Jamus a 1918–19 kuma tun lokacin ya zama martabar Jamusawa.

Duk da hada kai da dakarun kishin kasa wajen tasirin 'yan gurguzu da kwaminisanci a 1919, Friedrich Ebert ya zama shugaba dimukuradiyyar Jamus a gajeren zamanin da ya yi a matsayin shugaban kasa. Bayan mutuwarsa a ranar 28 ga watan Febrairu shekarar 1925 yana da shekaru 54, an kiyasta 'yan kasa miliyan daya sun halarci jana'izarsa a garinsa da ke Heidelberg.

Bayan mutuwar Ebert, an kaddamar da abubuwan tarihin tunawa da shi a fadin Jamus, amma an rushe su bayan shekaru 20 lokacin da 'yan mulkin danniya suka karbi mulki a 1933. Sai dai bayan da Jamus ta mika wuya, an sake kaddamar da abubuwan tunawa da Ebert a 1945 ciki har da wanda yake a garin Offenbach a 1947.

Baya ga karanta labarin Elbert a littafi, ana iya sauraron tarihinsa a sauti. Jami'ar Humboldt ta tanadi kundin sautin muryoyin fitattun mutane a zamanin masarautar Jamhuriyar Weimar, ciki har da muryar Ebert a matsayin shugaban Jamhuriyar Weimar a shekarar 1919.