1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Italiya na nazarin mokoma bayan murabus din Renzi

Gazali Abdou Tasawa
December 8, 2016

Shugaban kasar Italiya Sergio Mattarella ya soma a wanann Alhamis tattaunawa da bangarorin siyasar kasar domin tsaida matakin da ya dace kasar ta dauka bayan murabus din firaminista Renzi

https://p.dw.com/p/2Tw5Y
Äthiopien italienischer Präsident Sergio Mattarella
Hoto: Getty Images/AFP/Z. Abukeker

Shugaban kasar Italiya Sergio Mattarella ya soma a wanann Alhamis tattaunawa da bangarorin siyasar kasar domin tsaida matakin da ya dace kasar ta dauka tsakanin shirya zaben wucan gadi ko kuma kafa gwamnatin wucin gadi da yi wa kundin tsarin zabe kwaskwarima bayan da shugaban gwamnatin kasar Matteo Renzi ya yi murabus.

Da misalin karfe shida agogon JMT na yammacin jiya Laraba ne firaminista Matteo Renzi ya mika wa shugaban kasar takardar murabus din tasa. Sai dai kuma tsohon firaministan mai shekaru 41 ya ce wannan murabus nasa ba ya nufin karshen makomar siyasarsa ke nan domin a shirye yake ya ci gaba da gwagwarmaya.