1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Daruruwan mutane sun mutu a Indonesiya

Zainab Mohammed Abubakar
September 29, 2018

Mutane kusan 400 ne suka rasa rayukansu sakamakon igiyar ruwa ta tsunami biyo bayan girgizar kasa mai karfi da ta ritsa da wani tsibiri a kasar Indonesiya a wannan Juma'ar.

https://p.dw.com/p/35hUc
Indonesien Nach dem Erdbeben und dem Tsunami in Palu, Central Sulawesi
Girgizar kasa a Palu a tsibirin Sulawesi na kasar IndonesiyaHoto: Getty Images/AFP/O. Gondronk

Hukumar kula da yanayi ta kasar ta shaidar da cewar wasu mutanen 540 sun jikkata a yankin Palu da ke tsibirin Sulawesi, mai dauke da mutane dubu 350, daura da masu yawon bude ido.

A wannan Asabar din ce dai masu aikin ceto suka sanar da gano karin gawarwakin mutanen da suka rasa rayukansu, a yayin da dubban gidaje da asibitoci da wasu muhimman gine-gine suka rushe sakamakon girgizar kasar.

Bugu da kari rahotanni da ke fitowa daka Indonesiyan na nuni da cewar, ambaliyar ruwa na cigaba da barazana ga daukacin tsibirin, a yayin da aka rufe babbar hanyar zuwa Palu saboda zabtarewar kasa.