Hukumar OPCW ta kammala aikinta a Siriya | Labarai | DW | 31.10.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Hukumar OPCW ta kammala aikinta a Siriya

Hukumar da ke kula da yaƙi da makamai masu guba ta Majalisar Ɗinkin Duniya ta sanar da cewar jami'anta sun bincike wurare 21 bisa 23 da ake harhaɗa makamai masu guba a Siriya.

Hukumar OPCW ta ce wurarare guda biyu ne kawai jami'anta ba su sami sukunin kai wa ba garesu saboda dalilai na tsaro.

A cikin watan Satumba da ya gabata Siriya ta amince ta lalata makaman nata, bayan wata yarjejeniyar da aka cimma tsakanin Amirka da Rasa domin kaucewa kai wa ƙasar hare-hare na taron dangi, dangane da zargin da ake yi mata da yin amfani da makaman a kan farar hula. A gobe ne ɗaya ga watan Nuwamba wa'adin da MDD ta ebawa hukumar domin kammala aikin yake ƙarewa. Kuma nan gaba a ranar 15 ga watan da ke kamawa hukumomin Siriya da na hukumar ta OPCW za su shiga mataki na biyu na aikin lalata makaman masu guba na kusan ton 1000 da Siriya ta ke da shi na makamin Sarin.

Mawallafi : Abdourahamane Hassane
Edita : Umaru Aliyu