1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

'Yan bindiga sun kai hari ofishin 'yan sanda a Amirka

Lateefa Mustapha Ja'afarJune 13, 2015

Jami'an 'yan sanda na ci gaba da zaman ko ta kwana a birnin Dallas na Amirka bayan da wasu 'yan bindiga suka bude wuta a ofishinsu da ke birnin.

https://p.dw.com/p/1FgjL
Hari a ofishin 'yan sanda a Amirka
Hari a ofishin 'yan sanda a AmirkaHoto: picture-alliance/dpa/T. Mihalek

Rahotanni sun nunar da cewa ana kyautata zaton jami'an 'yan sanda sun samu nasarar cafke wani ko kuma wasu daga cikin 'yan bindigar. An dai samu abubuwa masu fashewa a harabar shalkwatar 'yan sandan na Dallas. Shugaban rundunar 'yan sandan birnin na Dallas David Brown ya shaidawa manema labarai cewa shaidun gani da ido sun tabbatar da ganin wata moto dauke da makamai da sanyin safiya ta dunfari ofishin 'yan sandan tare da bude wuta a kan mai uwa da wabi da kuma jefa abubuwa masu fashewa. Brown ya kara da cewa 'yan sanda sun samu nasarar yiwa motar kawanya inda suka cafke guda daga cikin maharan.