Habasha ta taka rawar gani a fannin kula da lafiyar kananan yara | Siyasa | DW | 25.09.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Siyasa

Habasha ta taka rawar gani a fannin kula da lafiyar kananan yara

Majalisar Dinkin Duniya ta yaba wa Habasha bisa matakan da ta dauka na dakile mutuwar yara 'yan kasa da shekaru biyar.

A dai dai lokacin da babban taron Majalisar Dinkin Duniya da ke gudana a birnin New York na Amirka ke tattauna muradun karni, Habasha ta shiga cikin jerin ƙasashen da suka samu ci gaba ta fannin raguwar mace macen kananan yara, kamar yadda hukumar kula da muradun ci gaban ƙarni ta Majalisar Dinkin Duniya wato MDG a takaice ta bayyana. A rahoton da ta fitar, hukumar ta ce wasu ƙasashen, sun cimma wannan burin, shekaru biyu gabanin wa'adin da aka tsayar na magance mace-macen yara 'yan ƙasa da shekaru biyar.

Ƙasar ta Habasha dai ta samu raguwar yara 'yan shekaru biyar da haihuwa wandanda ke mutuwa da kashi biyu cikin uku, a cikin shekaru 20 da suka gabata. Hakan yana nufin daga yara 1,000. dake mutuwa, a yanzu yayi ƙasa da yara 68 ne ke mutuwa. Shanta Boemen ita ce mai magana da yawun asusun kula da yara ƙanana na Majalisar Dinkin Duniya wato UNICEF a ƙasashen kudu da Sahara:

Ta ce "Hakan yana nufin ana ceton rayuka kimanin yara dubu 200 a ko wace shekara a ƙasar Habasha kawai. Wannan abu, yana da matuƙar tasiri."

hiv hospiz.jpg HIV/AIDS children at Missionaries of Charity AIDS hospice in Addis Ababa, Ethiopia, Thursday May 30, 2002. At left standing is U.S. Treaury Secretary Paul O'Neill, talking to Sister Benedicta, middle. O'Neill presented a check for U.S. dlrs 400,000 to the Missionary. Bono and O'Neill met with Ethiopian religious leaders on HIV/AIDS. O'Neill and Bono's visit to Ethiopia concludes a ten-day journey in Africa that has included visits to Ghana,South Africa and Uganda. (AP Photo/Sayyid Azim)

Salon yaki da mutuwar yara a Habasha

Wannan lamarin yana nufin ƙasar Habasha ba ƙaramin mataki ta dauka ba, don haka asusun UNICEF ke cewa, a ƙasar an ƙaddamar da juyin juya hali kan batun da ya shafi kiwon lafiya, musamman a ka fifita wani ɓangare a kiwon lafiya.

Ta ce "Gwamnatin ta zuba jari mai yawa a fannin kiwon lafiya daga tushe. Wannan kuma shi ne sakamkon tsayin daka da akayi"

Gwamnatin ƙasar ta Habasha dai ta maida hankali ne kan kula da lafiyar jama'a a karkara. Shekara ta 2003, ƙasar ta fara wani shiri na bada himmma ga kiwon lafiya a ko wane lungu da saƙo, inda mutanen karkara da a da basu da daman ganin likita, a yanzu sai gashi su ne gwamnati ta tashi haiƙan don kula da lafiyarsu. Hakan kuwa yasa ƙasar Habasha ta kasance ita ce ƙasar Afirka ta farko da ta fara zuba jari kan kiwon lafiya a karkara.

NEW YORK, NY - SEPTEMBER 24: Secretary-General Ban Ki-moon speaks at the opening of the annual United Nations (UN) General Assembly on September 24, 2013 in New York City. The use of chemical weapons in Syria and Iran's nuclear ambitions are expected to feature heavily during the 68th General Assembly, with U.S. President Barack Obama and Iranian President Hassan Rouhani scheduled to speak. (Photo by Spencer Platt/Getty Images)

Sakatare janan na Majalisar Dinkin Duniya, Ban Ki-moon

Darasi ga sauran kasashen Afirka

Hakan dai yana nufin bada horo ga jami'an kiwon lafiya kimanin dubu 38 a ko wace shekara guda. Ba wai wannnan lamari ne na gaggawa ba, an baiwa jami'an kiwon lafiya a karkara horo mai zurfi. Kuma an bada mahimmanci wajen tabbatar da biyansu albashi. Domin bai wa ma'aikatan ƙwarin gwiwa ta yadda za su yi aiki bil-haƙƙi bisa horon da suka samu"

A shirin da gwamnatin Habasha ta ƙaddamar dai, an tabbatar da cewar, dole a samu ma'aikatan kiwon lafiya a ko wace ruga, wadanda kuma ke da horon iya kula da kiwon lafiyar jama'ar rugagen, tare da isassun magunguna kan cututtukan da suka fi damun yara ƙanana a ƙasar Habasha. Akarin cututtukan da suka fi hallaka yara a ƙasar su ne, zuyoyi da kuma cutar huhu, da zazzabin cizon sauro.

Masu kiwon lafiya kuma suna fadakar da jama'a, da su rinka kwana cikin gidan sauro.

Yanzu haka dai wasu ƙasashen Afirka sun fara yin koyi da ƙasar ta Habasha a fannin kiwon lafiya.

Mawallafi : Rühl, Bettina / Usman Shehu Usman
Edita : Saleh Umar Saleh

Sauti da bidiyo akan labarin