Girgizar kasa ta afku a Afirka ta Kudu | Labarai | DW | 05.08.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Girgizar kasa ta afku a Afirka ta Kudu

Mace daya ce aka tabbatar da mutu yayin da mahakan ma'adinai suka makale a karkashin kasa sakamakon girgizar kasa da ta afku a garin Orkney na Afirka ta Kudu.

Wata girgizar kasa da karfinta ta kai maki biyar da digo 3 a ma'aunin Richter ta afku a birnin Orkney na kasar Afirka ta Kudu inda ta kashe mutun guda. Jami'an agaji sun bayyana cewar wani gini da ya rifta ne ummal aba'isan mutuwar ita matar a wannan bala'i daga indallahi a yankin Arewa maso yammacin wannan kasa.

Sannan kuma kakakin Kungiyar agaji ta ER24 Luyanda Majija ta bayyana wa manaima labarai cewar dimbin masu hako ma'aidinai sun makale a ramukan hako arzikin na karkashin kasa, ba tare da yin wani karin haske ba.

Wannan girgizar kasar da ta afku a daidai karfe 11 da rabi agogon Najeriya da Nijar ta girgiza manyan gine-gine da dama a Johannesburg cibiyar cinikayyar Afirka ta Kudu. Sannan kuma a ji ruguginta a kasashen Mozambik da kuma Botswana.

Mawallafi: Mouhamadou Awal Balarabe
Edita: Usman Shehu Usman