Frashin man fetir ya faɗi a bisa kasuwannin duniya

Ministocin na OPEP sun fara yin wani taro a birnin Vienna domin duba mataki da za su ɗauka dangane da faɗuwar frashin man fetir ɗin a bisa kasuwanin duniya.

Amma kuma ba tare da cimma wata matsaya guda ba, a game da yadda za su rage yawan gangar ɗayan man fetir da ake haƙowa a kowace rana. Da yake magana da manema labarai minista mai da kuma samar da Makamashi na Saudiyya, ya ce suna neman daidaita kasuwar man na wani lokaci mai tsawo.