Fafaroma Francis ya amince da ajiye aikin Cardinal Donald

Tun da farko Fafaroma Francis ya roki tsohon Archbishop din na  Washinton da ya ci gaba da rikon kwarya har zuwa lokacin da za a samu wanda zai maye gurbin sa lamarin da ya  tabbatar da irin kau da kan da Fafaroma yake yi a al'amuran wasu jagororin Addinin.Kafin saukarsa daga Mukami Cardinal din ya rubuta wata budaddiyar wasika wacce kuma ya bukaci a karantawa magoya bayansa a fili inda ya roki gafarar duk wadanda aka ci zarafi a guraren ibadu tare da rokon jama'a  yafe masa bisa yadda ake masa kallon mai kare limaman Cocin da ke cin zarafin mata da yara kanana.