Dak'Art 2016: Gabatar da kayan zane-zane na wannan zamani daga nahiyar Afirka
An bude biki mafi girma na nuna kayan zane-zane da ake kira da Dak'Art a Dakar Senegal. Masu zane-zane 65 daga kasashen Afirka za su nuna gwanintarsu karkashin taken: "re-enchantment." Jagoran nunawar shi ne Simon Njami.
"Fahimtar juna, tarihin zane-zane tara na Afirka daga Aida Muluneh(Habasha)
Aida Muluneh's exhibit consists of images from a series of photographic works in which she questions life, love, history, and whether we can live in this world with full contentment. The title comes from an expression used by Muluneh’s grandmother "the world is 9, it is never complete and never perfect." Aida Muluneh is an Ethiopian artist based in Addis Ababa.
"Vox populi" daga Fabrice Monteiro (Benin)
Nunin zane-zanen Monteiro da aka gabatar a daya daga cikin zaurukan ya shafi yadda ake samun canjin mulki ne a Afirka. Wani zanen ya nuna katuwar kujera ta zinariya da aka da aka yi ta da alamar mikiya kan wata jar darduma. Fabrice Monteiro ya nemi jama'a su yi nazarin yadda shugabanni suke amfani da mulki ta hanyoyin da ba su dace ba, su rubuta nazarinsu cikin wani littafi mai suna "Vox Populi."
"L’avant réenchantement" daga Alexis Peskine (Faransa/Brazil)
Nunin da ya shafi hanyoyin sadarwa an gabatar dashi ne a babban zauren tsohon kotu, kuma ya shafi abin da ya gudana kafin 'yan Afirka su kai matsayinsu na samun wurin zama da ya dace da samun farin cikin rayuwa. A wani allon telbijin mai launin kore, an rika nuna bidiyo da wani masanin al'adu ya dauka, tare da nuna hotunan mutane sanye da kambin dake nuna alamar hasumiyar Eifel dake Paris.
"Last Supper" daga John Kamicha (Kenya)
Zane-zanen John Kamicha sun maida hankali ne domin neman bayani game da zato dake zukatan jama'a. Mai zane-zabnen ya maida hankali kan kan al'amuran da ba a son tabosu, kamar karuwanci, kasancewa mai bin addinin Kirista da kasancewa mutum namiji ne ko mace. Kamicha ya yi amfani da zanen da Leonardo da Vinci ya yi mai suna ‘The Last Supper’ a matsayin tushen aikinsa.
"Zane maras suna" daga Kine Aw (Senegal)
Kine Aw tana zaune ne kuma tana ayyukansa a Senegal. Hangenta gaba daya sun tattara ne ga yadda take kallon rayuwar mata a yankin Sahel: kamannunsu, kyawunsu da kuma dangantakar rayuwar al'ada da ta zamani da irin yadda ita kanta ta ta ke da kwarewa kan al'amura. Ta kan yi kira ga mata su rika nazari a tsanaki game da rayuwarsu.
"Un reve" daga Nabil Boutros (Masar/Faransa)
Daga rufin wani dakin nunin na zane-zanen al'adu an rataya ledojin roba da ake iya ganinsu saboda haske mai yawa da aka juya kansu. Wadannan ledoji suna nuna alamun kama hanyar ratsa wani darnin waya. Nabil Butros ya zabi nuna alamu ne na irin mfarkin dake zuciyar 'yantacciyar nahiyar Afirka wadda ta dogara da kanta.
"Life versus time" daga Ephrem Solomon (Habasha)
Ephrem Solomon ya duba ydada dan Adam yake kallon kansa ne a rayuwa, musmaman game da 'yan Afirka. Zane-zanensa, sun maida hankali ga yanayin rayuwa da al'amuran siyasa. Zane-zanen sun nuna wadanda suke da alhakin kawar da rashin tabbas a rayuwar 'yan Afirka da daukar nauyin ci gabansu.
"United Nations of Jollof" daga Folakunle Oshun (Najeriya)
Wasu tukwane 15 da aka ajiye, sun nuna alamar wakiltar kasashe 15 wakilan hukumar tattalin arziki ta kasashen Afirka Ta Yamma, ECOWAS. Wannan wani bangare ne na gagarumin nunin da ke gidan ajiye kayan tarihi na kasa baki daya a Lagos. 'The United Nations of Jollof' ya nuna wani hali na siyasa, inda sojojin kasashen Afirka suke hada kai wai domin cimma buri daya na samun zaman lafiya a nahiyar.
"Série Princesse" daga Dalila Dalleas Bouzar (Aljeriya)
Zane-zanen daga masanin zane-zane dan kasar Aljeriya ya shafi irin mafarkin da gimbiyoyi sukan yi ne. Zane-zanen suna nuna hotunan mata da dama da fuskoki dabam dabam da aka zana su da launukan zinariya da baki.
"Les rhizomes infinis de la revolution" daga Kader Attia (Aljeriya/Faransa)
Nunin da Kader Attia ya gabatar da ake kira "The infinite Rhizomes wata alama ce ta juyin juya hali. Masu kallo sun ga jerin bishiyoyi da sandunan karfe dake nuna alamun rayuwar dan Adam da adawarsa da abin da ba ya kauna. Zane-zanen sun kuma nuna cewar wani lokaci juyin juya hali ya kan fara ne da amfani da duwatsu.
"In action" daga Mbaye Babacar Diouf (Senegal)
Mbaye Babacar Diouf masanin zane-zane ne dan kasar Senegal. Zanen da ya gabatar ya nuna mutane masu yawa suna rataye da juna, ko dai a matsayin wata alama t dogaro da juna ko kuma saboda neman tsira.
"The Prayer Room" daga Victor Ehikhamenor (Najeriya)
Victor Ehikhamenor shima dai masanin zane-zane ne da daukar hotuna, kuma marubuci daga Najeriya . A jikin allon da ya gabatar ko a kan rufi ko kuma a kan daben dakin mai laaunin shudi, ana iya ganin rubuce-rubuce masu yawa dakin dai yana dauke ne da taken: "the Prayer Room," ko kuma dakin adu'a. Author: Emmanuelle Landais