Bradley Manning ya nemi ahuwar kotun Amirka | Labarai | DW | 15.08.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Bradley Manning ya nemi ahuwar kotun Amirka

Sojin nan na Amirka wanda ya tseguntawa shafin intanet na Wikileaks bayanai na siri a karon farko ya bayyana takaicinsa a kan abin da ya yi.

Bradley Manning wanda ke magana a gaban wata kotun soji wadda nan gaba kaɗan za ta bayyana hukucin da ta yanke masa, ya kasance cikin ɓacin rai a gaban babbar alƙalin kotun Denis Lind inda ya nemi ahuwa.

Ya dai tabbatar da cewar ya miƙa bayanai na siri na soji da na diflomasiya har dubu 700 ga shafin, sai dai ya musunta cewar ya yi haka ne da nufin cutawa Amirka. Kuma zai iya fuskantar hukuncin ɗaurin shekaru 90 a kan tuhumar da ake yi masa.

Mawallafi : Abdourahamane Hassane
Edita : Umaru Aliyu