1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Za a fara daukar masu HIV aiki a sojojin Birtaniya

Zaharaddeen Umar
December 1, 2021

Birtaniya ta shirya fara amincewa da mutanen da ke dauke cutar HIV/AIDS a wurin daukar aikin soja. Rundunar sojin ta Birtaniya ta ce daga farkon shekara mai zuwa za ta aiwatar da wannan sabon tsari.

https://p.dw.com/p/43gRL
Deutschland The Queen's Royal Hussars Athlone Kaserne in Paderborn-Sennelager
Hoto: picture-alliance/dpa/R. B. Fishman

Kazalika sojojin sun ce daga shekara mai zuwan za su rika tura jami'an sojoji masu HIV/AIDS da shan magani ya taimaka musu rage kaifin cutar a fagen daga. 

Hakan na zuwa ne a yayin da a wannan Laraba ake bikin cika shekaru 40 da duniya ta fara yaki da cutar bayan ganowa a karon farko. Kafin sanarwar da Birtaniya ta yi a wannan Laraba, galibin kasashen duniya ciki har da Amirka ba sa daukar masu HIV/AIDS aiki a cikin rundunar soji ko kuma 'yan sanda.

Tuni dai masu dauke da cutar a Birtaniya suka jinjina wa gwamnati kan matakin da suke ganin zai ba su damar da suka jima suna neman samu.