Assange ya yi nasarar daukaka kara | Labarai | DW | 24.01.2022
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Assange ya yi nasarar daukaka kara

Shugaban WikiLeaks Julian Assange ya yi nasarar samun izinin daukaka kara, kan hukuncin mika shi ga kotun Amirka, don cigaba da tuhumarsa kan zargin wallafa sirrin gwamnati.

A watan Disamba na shekarar 2021, wata babbar kotu a birnin Landan ta yi watsi da hukuncin da wata karamar kotu ta yanke na kin tura Assange kasar Amirka bisa hujjar cewa zai iya kashe kansa.

Gwamnatin Washington na son a gurfanar da Julian Assange dan Australia mai shekaru 50 a gaban kuliya a kasarta, bisa zargin buga bayanan sirri na Wikileaks 500,000 da suka shafi yake-yaken da kasar Amirka ta shiga a kasashen Iraki da Afghanistan.