Ashraf Ghani shi ne zababben shugaban kasar Afganistan | Labarai | DW | 21.09.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ashraf Ghani shi ne zababben shugaban kasar Afganistan

Hukumar zaben kasar ta bayyana sakamakon zaben sa'o'i bayan sa hannu kan yarjejeniyar kafa gwamnati hadaka tsakanin bangarori biyu da suka yi ikirarin lashe zaben da ya gabata

'Yan takaran shugaban kasa biyu a kasar ta Afganistan da suka fafata da juna a zagayen karshe, sun sa hannu domin kafa gwamnatin raba iko, watanni da dama bayan kammala zaben. Ashraf Ghani wanda aka bayyana a matsayin shugaban kasa, ya rungumi abokin hammayarsa Abdallah Abdullah, wanda ake saran zai rike mukami mai kaman na Firaminista. Ya yin sa hannun a yarjejeniyar a samu halartan shugaba mai barin gado Hamid Karzai, inda kuma aka yada sa hannu kai tsaye a kafafen yada labaran kasar. Sabuwar gwamnati da za'a kafa a Afganistan za ta fiskanci kalubale, musamman yanzu da mayakan Taliban suka zafafa hare-hare da kuma talaucin da ya addabi kasar.