Mali: Kinsan 'yan ta'adda ya bar baya da kura

Kungiyar Human Rights Watch ta ce abubuwan da suka faru a Mura na zama mafi muni tun bayan barkewar rikici a kasar Mali a shekarar 2012, a yayin da ta tattara shedu 19 da suka hakikance kisan fararaen hula a yankin da sunan 'yan ta'adda.

A yanzu ya zama wajibi a cikin gaggawa hukumomin mulkin soja a Mali da su kaddamar da binicke na hadin gwiwa da kungiyoyin kasa da kasa kan zarge-zargen taka hakin bil'Adama, a cewar Corinne Dufka daraktar kungiyar Human Rights Watch a yankin Sahel.

Sai dai da ta ke mayar da martani a cikin wata sanarwar da ta fitar rundfunar tsaron kasar Mali ta yi fatali da zarge-zargen da ake yi mata, tana mai cewar wani yunkuri ne kawai na shafa mata kashin kaji.